လုပ်ကြပါ .. သူတို့ခေတ်ပဲ ...

ကြည့်ရတာ အမျိုးသားညီလာခံမှာ ဗေဒင်ဆရာတွေ များတယ်ထင်တယ်... ငယ်ငယ်တုန်းက မှတ်သားခဲ့တာ... နိုင်တော်အလံရဲ့ အဓိတ်ပယ်တွေ ဘယ်ရောက်ကုန်လဲဟင်... ဘာမှတိကြတဲ့ အဓိတ်ပယ်မပါဘဲ ထင်ရာစိုင်းလို့မ၀ကြသေးဘူးလား ?

နောက်တစ်ကြိမ် ဆီးဂိမ်းကျရင် ကိုယ့်နိုင်ငံအလံ ကိုယ်မမှတ်မိမှာပဲ စိုးရိမ်တယ်..တော်ကြာ ကိုယ့်အသင်းသားနိုင်လို့ အလံလွှင့်တာတောင် ကိုယ့်အလံမှန်းမသိရင်...

ခြေသုံးချောင်းကြက်

Singapore မှာ Chicken Rice တွေစားလွန်းလို့ထင်တယ်... ကျွန်တော် ညက ထူးထူးဆန်းဆန်း အိပ်မက် တစ်ခုမက်တယ်။

အိပ်မက်ထဲမှာ ကျွန်တော်က ကားတစ်စီးကို မောင်းလာတာတဲ့ဗျာ။ အဲ့လို မောင်းလားရင်း လမ်းမှာ ကြက်တစ်ကောင်နဲ့ တွေ့ တယ်။ ကြက်တစ်ကောင်နဲ့  တွေ့ ထား ထူးထူးဆန်းဆန်းလုပ်ပြီး ပြောနေရသေးတယ်လို့  မပြောကြပါနဲ့ ။ ကျွန်တော် တွေ့ တဲ့ ကြက်က သာမန်ကြက်တွေ လို ခြေနှစ်ချောင်းနဲ့  မဟုတ်ဘူးဗျ။ ခြေ သုံးချောင်းနဲ့  ကြက်။ သူပြေးတာက သာမန် ခြေနှစ်ချောင်းနဲ့  ကြက်တွေ လို မဟုတ်ဘူး။ အရမ်းမြန်တာပဲဗျို။ ကျွန်တော်လည်း ခြေသုံးချောင်းနဲ့  ကြက် တခါမှ မတွေ့ ဘူးဘူး၊ ထူးဆန်းတယ်ဆိုပြီး သူ့နောက်က လိုက်ကြည့်မိတယ်။

ကျွန်တော်လည်း ဆက်လိုက်နေတာ လမ်းတစ်ခုလည်း ရောက်ရော အဲ့ဒီကြက်က လမ်းမပေါ်ပြေးနေရာကနေ ဘေးမှာရှိနေတဲ့ လယ်ကွင်းတွေ ဘက်ကို ဆင်းပြေးသွားတယ်။ ကျွန်တော်လည်း ဘယ်ရမလဲဗျာ ဆက်လိုက်တာပေါ့။ အဲ့ဒီ ကြက်နောက် ဆက်လိုက်ရင်ကနေပြီး နောက်တော့ ခြံတစ်ခြံထဲ ရောက်သွားတယ်ဗျ။ ဟာ.. အဲ့ဒီမှာ ခုဏက ကြက်လို ထူးဆန်းတဲ့ ခြေသုံးချောင်းနဲ့  ကြက်တွေ အများကြီးပဲဗျို့ ။ ကျွန်တော် လည်း တအံ့တသြ နဲ့  ကြည့်နေတုန်း ခြံထဲက နေ လူကြီးတစ်ယောက်ထွက်လာပြီး ကျွန်တော်ကို ဘာလာလုပ်တာလဲလို့ မေးတယ်။ ပထမတော့ ကျွန်တော်လည်း ခြေသုံးချောင်းနဲ့  ကြက်တွေ ကို ကြည့်ရင်း အံ့သြနေတာနဲ့  သူမေးတာကို ကောင်ကောင်းမကြားလိုက်ဘူးဗျာ။ နောက်တစ်ခေါက် သူထပ်မေးမှ ပဲ ကြားမိတော့တယ်။

ကျွန်တော်လည်း ကြက်တစ်ကောင်နောင်လိုက်ရင်း ဒီကို ရောက်လာတာဆိုတဲ့ အကြောင်း သူကို ပြောပြလိုက်တယ်။ သူက ဟုတ်တယ်တဲ့ သူရဲ့ကြက်တွေမှာ သာမန် ကြက်တွေနဲ့  မတူပဲ ခြေသုံးချောင်းရှိတယ်တဲ့။ ကျွန်တော်လည်း ထပ်မေးမိတယ်။ ကျွန်တော် တွေ့ ဘူးသမျှ ကြက်တွေက ခြေ ၂ ချောင်းပဲ ရှိတာပါ၊ နောင်ကြီးက ခြေသုံးချောင်းနဲ့  ကြက်တွေကို ဘယ်ကနေ ရပြီး မွေးထားတာလဲပေါ့။ အဲ့ဒီတော့ အဲ့ဒီလူကြီးက ပြောတယ်။ သူတို မိသားစုက ဒီခြံမှာ နေပြီး ကြက်မွေးစားတာ နှစ်ပေါင်းအတော်ကြာပြီတဲ့။ သူတို့ မိသားစုမှာ သူရယ်၊ သူရဲ့မိန်မရယ်၊ သူတို့ ရဲ့သားလေးရယ် မိသားစုဝင်၃ ယောက်ရှိတယ်တဲ့။ သူတို့  မိသားစု ဝင်အားလုံးက ကြက်တစ်ကောင်းလုံးမှာ ကြက်ခြေထောက်ကို အကြိုက်ဆုံးတဲ့။ အဲဒီတော့ ကြက်သားချက်စားတိုင်း သူတို့  ၃ ရောက်မှာ ကျန်တဲ့ အသားတွေမစားပဲ၊ ကြက်ခြေထောက်ကိုပဲ အမြဲ လု စားနေရတယ်တဲ့။ကြက်တစ်ကောင်မှ ခြေထောက်က နှစ်ချောင်ပဲရှိတာကိုး။

ပြောသေးတယ်။ သူတို့  ခြံနောက်မှာ ညောင်ပင်ကြီး တစ်ပင်ရှိတယ် တဲ့။ အဲ့ဒီ ညောင်ပင်မှာ တန်ခိုးကြီးတဲ့  နတ်မင်းကြီးတစ်ပါးနေတယ်တဲ့ (အင်း ကျွန်တော်လည်း သူပြောတာနားထောင်ပြီး တွေးမိလိုက်သေးတယ်။ တောသူ တောသားတွေဆိုတော့ အပင်ကြီးမြင်တိုင်း နတ်နေတယ် ထင်နေကြတာပဲလို့ ) ထားပါ။ သူပြောတာကို ဆက်ပြော ပြမယ်။ သူတို့ က ကြက်သားချက်စားတိုင်း ခြေထောက် တွေပဲစားပြီး ကျန်တဲ့ အသားတွေကို အဲ့ဒီ ညောင်ပင်ကြီးအောက်သွားပြီး နတ်စားကျွေးရင်း အမြဲ ဆုတောင်းလေ့ရှိတယ်တဲ့။ သူတို့  အိမ်မှာ လူသုံးယောက်ရှိတဲ့ အတွက် အဝေမျှ အောင် ခြေသုံးချောင်းနဲ့  ကြက်တွေရ နိုင်မယ်ဆို လိုချင်ပါတယ်ပေါ့။ အဲ့လို နဲ့ ဆုတောင်းလာတာ တစ်နေ့  သူတို့  အိပ်ရာနိုး မနက်စောစော ကြက်ခြံဘက်ကြည့်လိုက်တော့ ခြံထဲမှာ ရှိနေတဲ့ ကြက်အားလုံးမှာ ခြေ ၂ ချောင်းအစား ခြေ ၃ ချောင်း ပေါက်နေတာကို တွေရတယ်လို့ ပြောတယ်။ သူတို့ လည်း အရမ်းပျော်သွားခဲ့ ကြတယ်တဲ့...။

ကျွန်တော်လည်း စဉ်းစားမိတယ်။ တသက်လုံး ကျွန်တော် စားခဲ့ဘူးတဲ့ ကြက်တွေက ခြေနှစ်ချောင်း နဲ့  ကြက်တွေကြီးပဲလေ။ ကြက်ခြေထောက်ကိုတော့ ကျွန်တော် စိတ်မဝင်စားပါဘူး။ ဒါပေမယ့် ကျွန်တော် ခြေနှစ်ချောင်းနဲ့  ကြက်ရဲ့ အသားနဲ့  ခြေသုံးချောင်းနဲ့  ကြက်ရဲ့ အသား အရသာ ဘယ်လိုကွားလည်းဆိုတာကို သိချင်သွားတယ်လေ။ ဒါနဲ့  ကျွန်တော်လည်း အရသာ ဘယ်လိုကွာတယ်ဆိုတာ စပ်စုမိသွားတယ်။

အဲဒီလူကြီးဟာ သူ့ခြံထဲကကြက်တွေကို တစ်ချက်လှမ်းကြည့်လိုက်တယ်။ ပြီးတော့ သူဘယ်လောက်ပဲ ကြိုးစားပြီး ဖမ်းဖမ်း ခြေသုံးချောင်းကြက်တွေက အပြေးမြန်လွန်းတော့ ချက်စားမလို့  လိုက်ဖမ်းနေတာ ခုချိန်ထိ တခါမှ ဖမ်းမမိသေးလို့  အိမ်မှာ ကြက်သားမချက်နိုင်ပဲ ကြက်ခြေထောက်မစားရတာ ကြာလှပြီပေါ့တဲ့ ဗျာ။ ဟီး.. ဟုတ်သားပဲ.. ကျုပ်တောင် ကားနဲ့ လိုက်တာ မနည်းလိုက်ရတာလေ။ :)

Window media player 11 နဲ့ Gtalk Status မှာ Track Title ပေါ်ချင်ရင်

ကျုပ်တော်တော် IQ ကွေးသွားတယ်။ အစက Install လုပ်တုန်းကတော့ သူ့ဟာနဲ့သူ Ok တယ်။ ထုံးစံအတိုင်း Window က Error လဲဖြစ်ရော Messenger မှာဘဲ ပေါ်တော့တယ်။ Gtalk မှာ မပေါ်တော့ဘူး။ စိတ်လဲမရှည်တာနဲ့ ကွန်ပျူတာသတ္တာ ကမ္မဿက္ကာဆိုပြီး နေပလိန့်ဂျေ လုပ်ထားလိုက်တယ်။

ခုဏကမှ ရှာဖွေရေးလုပ်ကြည့်မှ တေနာကောင် Plug-in က Off ဖြစ်နေမှန်းသိတယ်။
Window Media Player Menu ထဲက Tools -> Options -> Plug-Ins ကိုသွားလိုက်
Category မှာ Background ဆိုတာရှိတယ်။ အဲဒါကို Click ရင် Background မှာ Google Talk Music Plugin ဆိုတာကို Checkbox ON လိုက်။ ဒါဆို Ok ပြီ။

ကွန်ပျူတာသတ္တာ ကမ္မဿက္ကာ...

ရောသမတင်မကဘူး ကိုရီးယားပါ မွှေလိုက်တာ ဟီးဟီး

ချစ်ခြင်း၏ တစ်စုံတစ်ရာ (ဒုတိယပိုင်း)

(ပထမပိုင်း မဖတ်ရသေးလျှင် ဤ Link တွင်ဖတ်ရှုနိုင်ပါသည်။)

ဒီလိုနဲ့ ရန်ဖြစ်လိုက် ပြန်ချစ်လိုက်၊ ချစ်ကြ၊ ကြည်နူးကြတဲ့ ရက်တွေထဲမှာ ကံက္မြာအကြောင်းက ဖန်လာပါတယ်… စစ်သူကြီးဟာ စစ်ထွက်ရတော့မယ်လေ… အလွန်အရေးကြီးတဲ့စစ်ပွဲ ဖြစ်တဲ့အပြင် အန္ဓရယ်ရှိတဲ့ စစ်ပွဲလဲ ဖြစ်လေတော့ ဘုရင်မလေးဟာ စစ်သူကြီးရဲ့ လက်ကို ဆုပ်ကိုင်ပြီး

“ရှင် ကျမဆီကို ပြန်လာခဲ့ပါမယ်လို့ ကတိပေးပါလားဟင်…”
“ကောင်မလေးရယ်… ငါ့ဘ၀မှာ မင်းတစ်ယောက်ထဲကိုပဲ ချစ်ခဲ့ဖူးပါတယ်လို့ ငါမပြောလိုပေမဲ့၊ ငါ့ဘ၀တစ်ခုလုံးရဲ့ အချစ်ဆုံးနဲ့ အမြတ်နိုးဆုံးလူဟာ မင်းတစ်ယောက်ထဲပဲ ဆိုတာကိုတော့ အကြွင်း မဲ့ယုံကြည်လိုက်စမ်းပါ။ ဘယ်လိုပဲဖြစ်ဖြစ် ငါမင်းဆီ အရောက်ပြန်ခဲ့မှာပါကွယ်…”

ဒီလိုနဲ့ စစ်ပွဲကြီး ပြီးဆုံးသွားတော့ စစ်သူကြီးဟာ ပြန်မလာနိုင်တော့ပါဘူး။ စစ်ပွဲမှာ ကျဆုံးသွားတယ် ဆိုတဲ့အကြောင်းသာ သတင်းရရှိခဲ့ပါတယ်။ ဒါပေမဲ့ ဘုရင်မလေးဟာ ဒီအဖြစ်ကို လုံးဝ လက်မခံနိုင်ဘူးတဲ့လေ။ သူမယုံကြည်နေတာက စစ်သူကြီလေးဟာ တစ်နေ့တော့ သူမဆီပြန်လာမယ်ဆိုတာကိုပါပဲ။ ဒီလိုနဲ့ နှစ်လရာသီတွေ အလီလီပြောင်းပြီး အချိန်တွေသာ ကြာသွားတယ် သူမမျှော်လင့်နေတဲ့ စစ်သူကြီးလေးကတော့ ပေါ်မလာတော့ပါဘူး…

ဒါကြောင့် မူးမတ်ကြီးတို့ကလဲ သေသောသူ ကြာလျှင်မေ့ရမှာဘဲဆိုပြီး ဘုရင်မလေးကို ဒုတိယအကြိမ် အိမ်ထောင်ပြုဖို့ တိုက်တွန်းပါသတဲ့… အချိန်တွေကလဲ ကြာပြီဆိုတော့ ဘုရင်မလေးဟာ မငြင်းနိုင်တော့ဘဲ ကြင်ယာရွေးချယ်ပွဲကို လက်ခံလိုက်ရပါသတဲ့…

ရွေးချယ်မဲ့ အချိန်လဲရောက်ရော ခန်းမဆောင်အပြင်မှာ သူတောင်းစားကဲ့သို့ စုတ်ပြတ်နုံချာလှတဲ့ ယောက်ျားတစ်ယောက်ဟာ သူလဲပဲ အရွေးချယ်ခံချင်လိုကြောင်း တံခါမှူးကို ခွင့်တောင်းသတဲ့။ တခါးမှူးတို့ကလည်း သင်နှင့် အပ်စပ်သည့်နေရာ မဟုတ်ဟုဆိုကာ နှင်ထုတ်နေတာကို ဘုရင်မလေးကလဲ မြင်ရော

“သူလဲပဲ ယောက်ျားတစ်ယောက်ပေပဲ။ ခွင့်ပြုလိုက်ပါ”

ဒီတစ်ကြိမ်မှာလဲ ဘုရင်မလေးဟာ ပထမအကြိမ် ရွေးချယ်တုန်းကလိုပဲ လက်သန်းလေးထောင်ပြီး ရွေးချယ်ပြန်သတဲ့။ ဘုရင်မလေးဟာ ကြင်ယာတော်ရွေးဖို့ လက်သန်းလေးကို ထောင်လိုက်ချိန်မှာပဲ ထိုသူတောင်းစားလေးဟာ ရုတ်တရက် သူမလက်သန်းနဲ့ လက်သန်းချင်း လာချိတ်ပါသတဲ့။ (တယ်သွက်တဲ့ကောင်ပဲ၊ အဲဒါမျိုးကြတော့ ကျုပ်သူငယ်ချင်း တစ်ယောက်နဲ့ တူတယ်ဗျ။ Sorry ကွာ။ မင်းကိုသတိရမိလို့ ဟီး ဟီး)

သူမဟာ အတော် အံ့အား သင့်သွားတယ်။ တစ်ကိုယ်လုံး စုတ်ပြတ်သတ်နေပြီး ဂုန်နီအိတ်ကို အ၀တ်အဖြစ် စွပ်ထားကာ ညစ်ပတ်နံစော်နေတဲ့ သူတစ်ယောက်နဲ့ ဘုရင်မလေးတို့ အဖြစ်ဟာ ဘယ်လိုမှ Romantic မဖြစ်နိုင်ပဲ နှခေါင်းရှုံ့ချင်စရာသာ ဖြစ်ပါတော့တယ်…

ဘုရင်မလေးဟာ လုံးဝမထင်မှတ်ထားတဲ့အတွက် ရှက်လည်းရှက်၊ ဒေါသလဲထွက်မို့ ထိုသူရဲ့ ဂုန်နီအိပ် ခေါင်းစွပ် ကြီးကိုလဲ ချွတ်လိုက်ရော…

“အို… ရှင်… ရှင်…”
“ဟုတ်ပါတယ်… မင်းသိပ်ချစ်ရတဲ့ မင်းရဲ့စစ်သူကြီးလေးပါ…”

“ငါ့ကိုများ စွပ်စွပ် စွဲစွဲ။ မင်းတောင့်တလွန်းလို့ ငါကိုထင်ပြရတာကွ”

အဟီး… အိပ်ချင်ပြီ… တတိယပိုင်းက နောက်နေ့မှနော် :P
မကြာမှီ လာမည် မျှော်…………

ချစ်ခြင်း၏ တစ်စုံတစ်ရာ (ပထမပိုင်း)

ခင်ဗျားတို့ကို ကြိုပြောထားရဦးမယ်။ ဒီပုံပြင်ကို ဘယ်တော့မှ ကိုချစ်တဲ့သူကို မပြောပြမိစေနဲ့။ ကျုပ်သိသလောက် ပြောမိတဲ့သူတိုင်း အဖြစ်ဆိုးနဲ့ကြုံပြီး ကွဲရတတ်တယ်။ ဒါဆိုဘာလို့ရေးလဲလို့ မမေးနဲ့။ မရေးပဲမနေနိုင်တောလို့ဗျို့…..

သိပ်ချစ်ရတဲ့ကောင်မလေးရေ… ကိုမင်းကိုမပြောဘူးနော်။ ကိုယ့်ဟာကို ဖတ်မိရင်တော့ ကျုပ်ကရေးပဲရေးတာ၊ ပြောတာမဟုတ်တော့ အာပါတ်တော့ လွတ်မယ်ထင်တာပဲ.. ဟီး…

ပုံပြင်လေးက ဒီလိုဗျ.. အင်း… ပြုံပင်ဆိုတော့ ဟိုး… ရှေးရှေးတုန်းကနဲ့ပဲ စတာကောင်းပါတယ်…

ဟိုး… ရှေးရှေးတုန်းကပေါ့ဗျာ… (ကျွန်တော့ကောင်မလေးလို ဟီး…) သိပ်ကိုချောမောတဲ့ မိန်းကလေးတစ်ယောက်ဟာ တိုင်းပြည်ကြီးတစ်ခုမှာ ဘုရင်မအဖြစ် နန်းစံနေသတဲ့… မောင်တစ်ကျိတ် (၁၀ ယောက်) ပင်ရှိလင့်ကစား လင်ယောကျာ်းမရှိရင် မတင့်တယ်ဘူးဆိုတဲ့ ဆိုရိုးစကားကလဲ ရှိလေတော့ မူးကြီးမတ်ရာတွေက မအိုသေးတဲ့ အပျိုလေးဘုရင်မကို အိမ်ထောင်ဖက်ရွေးချယ်ဖို့ တိုက်တွန်းပါသတဲ့။

ဘုရင်မလေးကလဲ သူမနဲ့စိတ်သဘောထားတိုက်ဆိုင်ပြီး သူမချစ်မြတ်နိုးတဲ့သူကိုပဲ လက်ထပ်ချင်သတဲ့လေ။ ဒီလိုလူကိုရွေးဖို့ဆိုတာ မလွယ်လေတော့ သူမက အကြံတစ်ခု ထုတ်သတဲ့…

ကြင်ယာတော်ရွေးချယ်ပွဲနေ့မှာ မင်းညီမင်းသား၊ သူကြွယ်၊ စစ်သေနာပတိ အစရှိတဲ့သူတွေအားလုံး လာရောက် အရွေးခံကြတာပေါ့ဗျာ… ဘုရင်မ လုပ်စာထိုင်စားရမယ့်ကိစ္စပဲလေ။ ကိုယ့်ကို တင့်တောင့်တင့်တယ် ထားနိုင်မယ့် မိန်းမတစ်ယောက် ရဖို့ဆိုတာ ယောကျာ်းတစ်ယောက်အတွက် လွယ်တာမှ မဟုတ်တာပဲနော်။

ရွေးချယ်ရမယ့် အချိန်လဲရောက်ရော ဘုရင်မလေးဟာ တန်းစီရပ်နေတဲ့ ယောကျာ်းလူတန်းစားမျိုးစုံရှေ့မှာ ရပ်လိုက်ပါသတဲ့… ပြီးတော့ ကြိုတင်စဉ်းစားထားတဲ့အတိုင်း သူမရဲ့ ညာဘက်လက်သန်းလေးကို ထောင်ပြပိုက်ပြီး တစ်ဦးချင်းရှေ့ကနေဖြတ်လျောက်ပါလေရော…

အဲ…အဲဒီတော့ ဟိုလူတွေလဲ IQ တွေကွေးကုန်ကြတာပေါ့။ “ဘာလဲဟ ဘာလဲဟ… အာ.. ဘာပဲဖြစ်ဖြစ်ကွာ” ဆိုပြီး လက်မ ထောင်ပြတဲ့ကောင်ကပြ၊ လက်ညှိုး ထောင်ပြတဲ့ကောင်ကပြ၊ လက်သူကြွယ် ထောင်ပြတဲ့ကောင်ကပြနဲ့ … အဲ လက်ခလယ်ထောင်ပြတဲ့သူရှေ့လဲရောက်ရော…

ဘုရင်မလေးဟာ “ဟင်…” ဆိုပြီး တစ်ချက်ကြည့်လိုက်ပါသတဲ့။ သူမရဲ့မျက်နှာဟာ သိသိသာသာ ပြောင်းလဲသွားတယ်… ထိုသူကလဲ ဟုတ်ပြီဟ ဆိုပြီး သူထောင်ထာတဲ့ လက်ခလယ်ကို ရှင်းရှင်းလင်းလင်း မြင်အောင် ပြလိုက်ပါသတဲ့

“ခွပ်” ခနဲအသံကြားလိုက်ရတယ်… ခင်မျာ တစ်ချက်တည်းမှောက်သွားတယ်။ ဘုရင်မလက်သီး တယ်ပြင်းသကိုး… ပြစရာရှားလို့ လက်ခလယ်သွားပြတာကိုး။ ဒါနဲ့ ကျန်တဲ့ကောင်တွေလဲ ဘာပြရမှန်းမသိတာနဲ့ လက်ဝါးထောင်တဲ့ကောင်က ထောင်ပြ… ကို့ယို့ကားယားတွေဖြစ်ကုန်ပါလေရော…

အဲဒီချိန်မှာပဲ… ယောက်ျားပီသတဲ့ အသွင်ရှိတဲ့ စစ်သူကြီးတစ်ဦးဟာ သူမလိုပဲ ညာဘက် လက်သန်းလေးကိုထောင်ပြီး ဘုရင်မလေးရဲ့ လက်သန်းလေးနဲ့ လာပြီး လက်သန်းချင်း ချိတ်လိုက်ပါသတဲ့။ (Matrix ထဲကလို 3D နဲ့မြင်ကြည့်ပါလား တကယ့်ကို Romantic လေးဖြစ်သွာမယ်)

ဘုရင်မလေးဟာ အံ့သြ၀မ်းသာသွားတယ်။ သူမ အမှတ်မထင် ကြံစည်ထားတဲ့အတိုင်း သူမရဲ့စိတ်ကို နားလည်နိုင်မဲ့၊ သူမအတွက် အသင့်မြတ်ဆုံးသူဘဲလို့ တထစ်ချ ယုံကြည်လိုက်တယ်။

ဒီလိုနဲ့ယူလိုက်ကြတယ်ပေါ့ဗျာ… ထုံးစံအတိုင်း ချစ်ကြ၊ ကြည်နူးကြ၊ ကြင်နာကြပေါ့… တစ်နေ့သောမနက် အိပ်ယာနိုးတော့ စစ်သူကြီးလေးက ဘုရင်မလေးကို ပြောတယ်…

“ကောင်မလေးရေ မင်းငါ့မျက်လုံးတွေကို သေချာကြည့်စမ်းပါ… ငါ့မျက်လုံးထဲကတဆင့် ငါ့နှလုံးသားက မင်းကိုဘယ်လောက် မြတ်နိုးတယ်ဆိုတာ…”
“ဟင့်အင်း ကြည့်ချင်ပါဘူး မျက်ချေးတွေနဲ့”
“တိန်”

သူတိုဟာ စကားဝှက်တမ်းလဲ ကစားကြတယ်… ဘုရင်မလေးကမေးတယ်…

“နံရံပေါ်မှာ အိမ်မြှောင်နှစ်ကောင် ရှိတယ်။ သူတို့က ပိုးကောင်လေးတွေဖမ်းစားဖို့ ချောင်းနေကြတုန်း တစ်ကောင်က မထင်မှတ်ပဲ ပြုတ်ကြသွားတယ်။ အဲဒါကို ကျန်ခဲ့တဲ့ကောင်က ပြုတ်ကြသွားတဲ့ကောင်ကိုကြည့်ပြီး ခေါင်းတစ်ချက်ခါလိုက်တယ်.. စကားတစ်ခွန်းလှမ်းပြောလိုက်တယ်… အဲဒါဘာပြောလိုက်လဲသိလား..”

စစ်သူကြီးလေးဟာ တော်တော်မျှော်လင့်ချက်ကင်းမဲ့သွားသလို ခံစားလိုက်ရတယ်…
ဘုရင်မလေးဟာ စုတ်တစ်ချက်သတ်လိုက်တယ်… ပြီးတော့…

“စစ်သူကြီးဖြစ်ပြီး ဒါလေးတောင် မသိဘူးလား”
“အန်… စစ်သူကြီးနဲ့ အိမ်မြှောင်နဲ့ ဘာဆိုင်လို့လဲ”
“ဆိုင်တာပေါ့… စစ်တိုက်ရင် အိမ်မြှောင်မရှိဘဲ အရပ်မျက်နှာ ဘယ်သိမလဲ”
“တိန်”

“မသိရင်မှတ်ထား၊ အိမ်မြှောင်ဆိုတဲ့သတ္တ၀ါက ကျွတ် ကျွတ် ကျွတ် ကလွဲပြီး ဘာမှမပြောတတ်ဘူး၊ ကျွတ် ကျွတ် ကျွတ်”

ဘုရင်မလေးဟာ သူမ၏ ချစ်လှစွာသော စစ်သူကြီးလေးကို ပြုတ်ကြသွားတဲ့အိမ်မြှောင်တစ်ကောင်ကို ကျန်ခဲ့တဲ့အိမ်မြှောင်တစ်ကောင်က စုတ်သတ်ရင်းကြည့်တဲ့ အကြည့်မျိုးနဲ့ ကြည့်လိုက်ပါတော့တယ်…

♪ ♫ ♪
“ဆရာမ.. သမီးဗိုက်ထဲက အောင့် အောင့် နေတယ်…”
“ဟင်… ဒါဆိုရင် သမီးဗိုက်ကြီးလို့ပဲ ဖြစ်ရမယ်၊ OG နဲ့သွားပြလိုက်နော်”

အန်… ကောင်းခန်းရောက်ရင် ဒီကြေငြာတွေက ၀င်ပြီ။ ကဲကဲ နောက်နေ့မှ ဒုတိယပိုင်း ဆက်ရေးတော့မယ်။ လက်လဲညောင်းပြီ… အိပ်တော့မယ် :P

ကြေမွသွားသော ဘဲဥတစ်လုံးအကြောင်း (ဗြ ဂ္ဃ)

... ဗျင်းဗျင်းဗျင်း ဗြိဗြိဗြိ...

ဟယ်တော့.. ဒီကောင်လေးနဲ့တော့ ဒုက္ခပါပဲ။ ခေါင်းကိုများ အားပါးတရ ကုတ်နေလိုက်တာ၊ ဆံပင်တွေကျွတ်ကုန်မှာများ မစိုးရိမ်ဘူးလားမသိပါဘူး။ တဗျင်းဗျင်းနဲ့ သူကုတ်နေတာကို တိတ်တိတ်လေး ခိုးကြည့်နေရတာကကို ရင်ခုန်ချင်စရာကောင်းနေပြီ။ မင်းဟာမင်းကုတ်တာ အကြောင်းမဟုတ်ပေမဲ့ တို့များရင်ထဲမှာ ယားကျိကျိဖြစ်နေပြီကွဲ့ သိရဲ့လား လူဆိုးလေးရေ။

ဒီကောင်လေး အလုပ်ထဲကို ရောက်လာတဲ့နေ့ကို မှတ်မိနေသေးတယ်။ ပထမဆုံးနေ့ဆိုတော့ ဘယ်သွားလို့ ဘာလုပ်ရမှန်း မသိ၊ ယောင်နနဖြစ်နေပုံလေးကိုတွေ့ပြီး တို့များရင်တွေ အရမ်းခုန်နေတာ။ အဲဒီကတည်းက အရမ်းချစ်သွားတာပဲ ကောင်လေးရေ။ တို့တွေ ကံကောင်းလိုက်ပုံများကတော့ ကောင်လေးထိုင်ရတဲ့ စားပွဲက ကိုယ့်စားပွဲ ရှေ့တည့်တည့်မှာတော့။ ဗေဒင်ကဟောထားတာတွေ မှန်နေပြီနဲ့တူပါတယ်။ ၀ါကျွတ်အမီ စုတ်ရော လာဘ်ရောဝင်ကိန်းရှိတယ်တဲ့။ အို.. လာဘ်မ၀င်ရင် နေပလေ့စေ၊ စုတ်ဝင်ရင်ပြီးရော။ အခုတော့ စုတ်ကြီး ကိုယ့်ရှေ့တည့်တည့်မှာ ရောက်နေပြီ၊ ဖြူဖြူဖွေးဖွေး ထောင်ထောင်မောင်းမောင်းနဲ့ စုတ်ကြီး။ ဒီအခွင့်အရေးမျိုးတော့ လက်လွတ်ခံလို့မဖြစ်ဘူး။ ကောင်လေးက အသစ်ဆိုတော့ အလုပ်ခွင်မှာ သူသိချင်တာလေးတွေ တို့ကိုများ မေးပါစေတော့ ဆိုပြီး ကူညီပါရစေ ကူညီပါရစေ ဒီဇိုင်းနဲ့ သူ့ရှေ့မှာ ခေါက်တုံ့ခေါက်ပြန် နှစ်ခေါက်သုံးခေါက် ဖြတ်လျောက်ပြစ်တာ၊ တို့ကို မျက်လုံးလေးတောင်လှန်မကြည့်ဘူး။ ရေခဲတုံးကြီး.. ရေခဲတုံးကြီးရေ.. လို့ ချောစုခင်လို အသံကုန်ပဲ အော်လိုက်ချင်တော့တယ်။

ယောက်ျားလေးသန့်သန့်တွေကိုမြင်ရင် ရင်ခုန်တတ်တာက တို့တွေရဲ့အကျင့်။ ဒါကိုတော့ အပြစ်မပြောကြပါနဲ့အေ။ အခုအသက်ကလေးရလာလေ အဲဒီအကျင့်က ပိုပိုဆိုးလာလေပဲ။ တို့အသက်လား.. အခုမှ ၁၇၊ ၁၈ပဲရှိသေးတာပါ။ အဲ ၁၇ နဲ့ ၁၈ ပေါင်းတော့ ၃၅ပေါ့နော်။ သူများတွေလည်း လျှောက်မပြောနဲ့ဦး။ အထူးသဖြင့် တို့ရဲအသည်းလေး မသိစေနဲ့။ ကောင်လေးရဲ့မွေးနေ့ကိုတော့ နည်းမျိုးစုံသုံးပြီး စုံစမ်းလိုက်တာ တို့သိသွားပြီ။ မွေးနေ့ကျရင် သူလေးပါးစပ်အဟောင်းသားနဲ့ အံ့သြသွားအောင်လုပ်ဖို့ အစီအစဉ်တွေ အားလုံးဆွဲပြီးသွားပြီ။ အဲဒီနေ့ကျ တွေ့မယ် လူဆိုးလေး။ တစ်ခါတည်းကို တဖြုတ်ဖြုတ် ကြွေကျသွားရမယ်။ တို့လည်းဒါမှ တစ်ကိုယ်တည်း ဘ၀က ကျွတ်ပြီး ဘုရားသွားကျောင်းတက် အတူတူ ပါရမီဖြည့်ရမှာ။ တို့ရဲ့အိပ်မက်တွေဟာ မဝေးတော့ပါဘူး။

အိပ်မက်ဆိုလို့ မနေ့ညကအိပ်မက်ထဲမှာ.. ဟင်းဟင်း.. မပြောပြတော့ပါဘူး။ လူဆိုးလေး.. အရမ်းဆိုးတာပဲ။ ဒီနေ့မနက်နိုးလာတော့ ကြည်နုးလိုက်တာ။ အလုပ်ထဲ ရောက်ရင် သူလေးနဲ့တွေ့မယ်။ ဒီနေ့တော့ အမှတ်တရဖြစ်အောင် အလှဆုံးပြင် ရှိသမျှထဲက အကောင်းဆုံးကိုဝတ်။ ကဲ.. အလုပ်သွားရမှာတောင် မအောင့်နိုင်တောဘူး။ နာရီတွေရယ်.. မြန်မြန်လည်ပါတော့။ ကောင်လေးအတွက် ပန်းစည်းလေးတစ်စည်း ၀ယ်သွားရင်ကောင်းမလား.. ။ မဟုတ်သေးပါဘူး.. ပန်းစည်းက မိန်းကလေးတွေ အတွက်ပဲဟာ။ အို.. အလုပ်ချိန်တောင်နီးနေပြီပဲ.. သွားတော့မှ။ အိမ်ကမထွက်ခင် နောက်ဆုံးအနေနဲ့ ကိုယ်လုံးပေါ်မှန်ရှေ့မှာ တစ်ပတ်လှည့်ပြီး ကြည့်လိုက်တာ တို့ကိုယ်တို့တောင် ရင်ခုန်သွားတယ်။ ကောင်လေးရယ် မင်းကကော ဘာသားနဲ့ထုထားတာမို့လဲ။ တော်တော်ကြာ မင်း တို့ကိုတွေ့မှ နှလုံးတွေ ပရမ်းပတာခုန်ပြီး အရေးပေါ်ရောက်သွားမှာတောင် စိုးရိမ်ရတယ်။ ဟုတ်ပြီ.. ဇီးယို..၊ ကောင်လေးအတွက် ဇီးယိုဝယ်သွားရမယ်.. ဇီးယိုစားမှ နှလုံးငြိမ်မှာပေါ့။

ဟယ်.. ကောင်လေးက ဒီနေ့အလုပ်ကို အစောကြီးရောက်နေပါလား။ တခြားသူတွေတောင် မရောက်သေးဘူး။ တို့ကတော့ ထားပါတော့ စိတ်ကလောနေလို့ စောစောရောက်တာ။ သူကရောဘာလို့ စောရောက်နေရတာလဲ။ တို့နှစ်ယောက် နှလုံးသားချင်း ဆက်သွယ်နေပြီဆိုတာ သေချာသွားပြီပေါ့။ ရာသီဥတုက တို့ဘက်ပါတုန်း လှုပ်ရှားမှ။ အခွင့်အရေးဆိုတာ တစ်လတစ်ခါမလာဘူး။ .. အင်း.. အခုမှ သေသေချာချာ သတိထားမိတယ်။ ကောင်လေးမျက်နှာလည်း မကောင်းပါလား။ သုန်သုန်မှုန်မှုန်နဲ့ ဘာတွေများ အလိုမကျဖြစ်နေပါလိမ့်။ သူ့စိတ်ကလေး ပျော်သွားအောင် တို့ဘာများလုပ်ပေး ရမလဲ...

တို့ကိုတို့ ပြန်သတိထားလိုက်မိတဲ့အချိန်မှာ တို့ဟာမရည်ရွယ်ပဲ သူ့စာပွဲရှေ့ ရောက်နေမိပြီ။ ကောင်လေးက စိတ်ရှုပ်တာ နဲ့ နားမလည်တာ နှစ်ခုရောထားတဲ့ မျက်နှာနဲ့ တို့ကိုမော့ကြည့်တယ်။
“ဟေ့ ယူ..” လို့ တို့ရဲ့အိပ်မက်ရှင်လေးကို အနူးညံ့ဆုံးခေါ်၊ လက်ထဲက ဇီးယိုထုပ်ကို ကမ်းပေးလိုက်ပြီး.. “.. ရော့..စိတ်ညစ်နေရင် ဒါလေးစားလိုက်ပါလား.. ”

“အာ.. ညကများသွားလို့ အရက်နာကျပြီး ခေါင်းနောက်နေရတဲ့အထဲ ဒီ အခြောက်က တစ်မှောင့်၊ အရေးထဲ ဇီးထုပ်လာရောင်းနေသေးတယ်..”

အိုး... ပြောရက်လိုက်တာ ယူ ရယ်.. သူများကို.. သူများကို...

အီးဟီးဟီး.. အဟင့် အဟင့်.. ရွှတ်.. ဖတ်..

Source : http://www.ainmat.com ကြေမွသွားသော ဘဲဥတစ်လုံးအကြောင်း (ဗြ ဂ္ဃ)

တို့နိုင်ငံ

ရွှေပြည်သစ်ဆီ တို့လှမ်းချီလို့
နိုင်ငံတကာ ကမ္ဘာ့ရွာတွင်
နောက်မကျအောင် တို့စွမ်းဆောင်မည်
နောင်ထောင်စုနှစ် ရောက်ကာမှ...။ ။

(ရေးသူ = အမည်မသိ ခေတ်စာဆို)

အိမ်သာအနုပညာ

ပေါက်ပေါက်ရှာရှာဗျာ.... အနုပညာပြပွဲမှာ အိမ်သာအနုပညာတဲ့...





ပြပွဲရဲ့ လမ်းမအလယ်မှာ ပွဲလာကြည့်တဲ့သူတွေ သုံးပြုဖို့တဲ့.. ဟီးဟီးဟီး ကျုပ်ဆိုရင်တော့ ရှုရှုးဘယ်လိုပေါက်ရမှန်း သိမှာမဟုတ်တော့ဘူး...

Source : http://www.yatblog.com/2006/08/08/swiss-public-toilet

ကျွန်ုပ်၏ မိဖုရား

တကယ်တော့ ကျွန်တော်ဟာ သူမကို မိဖုရားအဖြစ် ရွေးချယ်ခဲ့တာဖြစ်ပြီး လက်တွေ့ဖြစ်လာသည်မှာတော့ သူမသည် ကျွန်တော်၏ ဘုရင်မဖြစ်ခဲ့ပါသည်။
ကျွန်ုပ်၏ သူမအပေါ် ချစ်မြတ်နိုးစွာ ပိုင်ဆိုင်လိုသော ရယူလိုမှုများသည် သူမအား စိတ်ချမ်းသာစေခြင်း ဟူသော ပေးစပ်မှုများသာ ဖြစ်လာခဲ့သည်။

ကျွန်ုပ်၏ တမ်းတခြင်းများကို သူမစိုးမိုးခဲ့လေပြီ...
ကျွန်ုပ်၏ သတိရခြင်းများကို သူမတစ်ဦးတည်းသာ ပိုင်ဆိုင်ခဲ့လေပြီ...
ကျွန်ုပ်၏ ချစ်မြတ်နိုးတတ်ခြင်းများတို့ကို သူမကသာ သိမ်းပိုက် ရယူခဲ့လေပြီ...
ကျွန်ုပ်၏ အိမ်မက်များတွင် သူမ အမြဲတစေ စိုးမိုးခဲ့လေပြီ...

ဒါပေမယ့် ကောင်မလေးရယ်...
ယောင်္ကျားတစ်ယောက်ရဲ့ လက်ကျန်မာနလေးနဲ့ မင်းရှေ့မှာ ဒူးထောက်ခစားခြင်းကိုတော့ ငါလျစ်လျှုရှုပါရစေကွာ...

ကလေးတစ်ယောက်၏ တောင့်တခြင်း

ခင်ဗျားတို့ကို အဖြစ်အပျက်တစ်ခု ပြောပြမယ်… အဖြစ်အပျက်လို့ ဘာကြောင့်သုံးလဲဆိုရင် ပုံပြင်တစ်ခုမဟုတ်လို့ပါ.. ဒီအကြောင်းကိုသိလိုက်ရတော့ စိတ်မကောင်းဖြစ်မိတယ်…

တခါက လူတစ်ယောက်မှာ ငါးနှစ်အရွယ် သားလေးတစ်ယောက်ရှိတယ်… တစ်နေ့သူရုံးကနေ ပင်ပန်းနွမ်းနယ်စွာ အိမ်ပြန်တော့ အိမ်ပြန်နောက်ကျတဲ့သူ့ကို တခါးဝမှာမျှော်နေတဲ့ သားလေးကို တွေလိုက်ပါတယ်…

“ဖေဖေ သားတစ်ခုလောက် မေးချင်တယ်”
“မေးလေ… သား ဘာဖြစ်လို့လဲ..”
“ဖေဖေ အလုပ်လုပ်တာ တစ်နာရီ ဘယ်လောက်ရလဲဟင်”
“ဒါ သားနဲ့ ဘာဆိုင်လို့လဲ.. ဘာလို့သားက သိချင်ရတာလဲ”
“သိချင်လို့ပါ ဖေဖေရ၊ သားကိုပြောပြပါနော်”
“ဟုတ်ပါပြီဗျာ… အင်း.. တစ်နာရီကို… $10 လောက် ရတယ်သားရဲ့”

“ဟင်…” လို့ပြောပြီး သားလေးဟာ ခေါင်းငိုက်စိုက်ကြသွားတယ်…

ခဏအကြာမှာ သူ့အဖေကို ခေါင်းလေးမော့ပြီး
“ဖေဖေ… ဒါဆို သားကို $5 လောက်ပေးပါလားဟင်..”

သူ့အဖေဟာ အတန်ငယ် ဒေါသထွက်သွားတယ်…
“ဩ… ဘာမဟုတ်တဲ့ အရုပ်တစ်ခုလိုချင်တာနဲ့ မင်းက ဒီစကားမျိုးတွေတောင် မေးတတ်နေပြီပေါ့လေ… ဖအေကတော့ ပိုက်ဆံရှာရတာ သေတော့မယ်၊ တောက်… သွားစမ်းကွာ… ခုချက်ချင်း အခန်းထဲဝင်၊ အိပ်တော့..”

ဒါနဲ့ပဲ ကလေးငယ်ဟာ အခန်းထဲပြေးဝင်ပြီး တခါးကို ပိတ်လိုက်ပါတယ်…
သူ့အဖေဟာလဲ ဘာ့ကြောင့် သားငယ်ဟာ ဒီလိုမေးရတာလဲဆိုပြီး စဉ်းစားကြည့်တယ်….
“အင်းလေ… သူတကယ့်ကို တစ်ခုခု ၀ယ်ချင်လို့နေမှာပါ… ဒီလို တစ်ခါမှ မတောင်းဖူး ပါဘူး…”

ဒါနဲ့ သားငယ်ရဲ့ အခန်းရှေ့ရပ်ပြီး တခါးကို အသာဖွင့်လျှက်…
“သားလေး အိပ်ပြီလားကွ”
“ဟင့်အင်း ဖေဖေ… သားအိပ်မပျော်သေးပါဘူး”
“သားကို ဖေဖေ ခုဏက ဆူလိုက်တာ သားလေးစိတ်မကောင်း ဖြစ်သွားလား၊ ရော့.. ဒါသားလိုချင်တဲ့ ငွေ”
“ကျေးဇူးတင်ပါတယ် ဖေဖေ…” သားငယ်ရဲ့အသံဟာ ငိုသံအနည်းငယ်နဲ့ တုန်ရင်နေပါတယ်…

ကလေးငယ်ဟာ သူ့အဖေဆီက ငွေကိုယူပြီး ခေါင်းဦးအောက်မှာ သူစုထားတဲ့ ငွေတွေကိုပါ ယူလိုက်ပါတယ်…
ဒါကိုမြင်လိုက်တဲ့ ဖခင်ဟာ အနည်းငယ် ဒေါသပြန်ဖြစ်လာပြီး
“မင်းမှာ ပိုက်ဆံရှိရဲ့သားနဲ့ ဘာလို့ထပ်တောင်းရတာလဲကွ”
“သားမှာရှိတာနဲ့ မလောက်လို့ပါ… ခုတော့လောက်သွားပြီ…”
သားငယ်ဟာ ဖခင်ကိုသေချာကြည့်ပြီး… “ဖေဖေ… ဖေဖေ့ရဲ့အလုပ်ချိန်ထဲက တစ်နာရီလောက် သားကိုရောင်းပါလားဟင်… မနက်ဖြန်ကြရင် စောစောပြန်ခဲ့ပါလားဟင်… ဖေဖေနဲ့ ထမင်းလက်စုံစားချင်လို့ပါ ဖေဖေရယ်…”

ကျွန်တော်တို့ ခုအရွယ်ဆိုတာ အရင်တုံးက ကလေးဘ၀က စခဲ့တာပါ… ကလေးဘ၀ရော ခုလူကြီးဘ၀မှာပါ ထာဝရလေးစား ချစ်ခင်တဲ့သူကတော့ မိဘဆိုတာပါပဲ… တခါတရံ မိဘတွေက သားသမီးကို ချစ်တယ်ဆိုပေမဲ့ သားသမီးဘာလိုချင်တယ်ဆိုတာ သတိမထားမိ ဖြစ်တတ်ပါတယ်…

ဒီစာရိုက်နေရင်းက ကျွန်တော့်မျက်ဝန်းတွေ စိုစွပ်လာတယ်…
ကျွန်တော် ဖေဖေနဲ့ မေမေ့ကို သိပ်လွမ်းတယ်…

ဝန်ခံခြင်း

ကမ္ဘာပေါ်မှာ မင်းကိုတန်ဖိုးထား ချစ်မြတ်နိုးတဲ့ယောက်ကျားယောက် ရှိနေတယ်ဆိုတာကိုတော့ မင်းအမြဲတမ်း ဂုဏ်ယူနေနိုင်ပါတယ် ကောင်မလေးရယ်...

အဲဒီညက

ကောင်မလေးရေ...
ပင်ပန်းစွာတကိုယ်တည်း လျှောက်လှမ်းနေတဲ့ ငါ့ခြေထောက်တွေကိုအနားပေးရင်း
ကမ္ဘာမြေကြီးကို ကြောပေးလျှက် ကောင်းကင်ကိုကြည့်နေမိတယ်...
ဩော်... ဒီညဟာ သာယာငြိမ်းချမ်းစွာ တည်ရှိနေပါလား...
အဲဒီအချိန်မှာဘဲ ကြည်လင်တဲ့မင်းပုံရိပ်ဟာ ကောင်းကင်မှာ တစတစ ထင်ရှားလာတယ်
အလို... ကြယ်တွေဟာ မင်းမျက်နှာပုံရိပ်ထဲ တိုးဝင်နေကြပါလား...

ကောင်မလေးရေ...
မင်းငါ့ကို ငုံကြည့်နေတယ်နော်…
တကယ့်ကို ချစ်စရာကောင်းပြီး မထင်မှတ်စွာ စွဲမက်ချင်စရာကောင်းတဲ့ မင်းရဲ့အပြုံးလေးပါလား …
ဟုတ်တာပေါ့… ငါအမြဲ စွဲလမ်းတမ်းတနေတဲ့ မင်းရဲ့နူးညံ့ချိုသာတဲ့ အပြုံးလေးပါပဲ…

ကောင်မလေးရေ...
မင်းငါ့ကို ပြောတယ်နော်… “ရှင့်မျက်လုံးတွေပိတ်လိုက်ပါ.. ရှင်အခုဘာမြင်နေရလဲပြော” တဲ့
အင်း… ငါ့မျက်လုံးတွေမှိတ်လိုက်ပြီ… ထူဆန်းတယ်ကွာ…
ငါ့အာရုဏ်ထဲမှာ လူနှစ်ယောက်မြင်နေရတယ်…
မင်းနဲ့ငါပေါ့ ကောင်မလေးရယ်….

ကောင်မလေးရေ...
ငါတို့နှစ်ယောက် ကမ်းခြေတလျှောက် လမ်းလျှောက်ကြတယ်ကွ
ရေတွေစိုနေတဲ့ ခြေထောက်တွေနဲ့ ပြေးလွှားစော့ကစားနေကြတာ သိပ်ကိုကြည်နူဖွယ်ကောင်းတာပဲ…
ဒီအချိန်မှာပဲ ကောင်းကင်ဟာ ပန်းရောင်သန်းလာတယ်
နေမင်းကြီးဟာ ရေထဲနစ်ဝင်သွားတယ်…

ကောင်မလေးရေ...
ဒီညကို သဲသောင်ပြင်မှာပဲ တို့ကုန်ဆုံးကြမယ်
မင်းလက်ကလေးကို ဆုပ်ကိုင်ထားတဲ့အချိန်မှာပဲ
မင်းကလွဲရင် အရာအားလုံးကိုစွန့်လွှတ်ဖို့
ငါဟာ မိုက်မဲစွာဆုံးဖြတ်ခဲ့တယ်…

ကောင်မလေးရေ...
ငါဒီအကြောင်းကို ပြောပြဖို့ မျက်လုံးတွေဖွင့်လိုက်စဉ်မှာပဲ
မင်းပုံရိပ်ဟာ အမှောင်ထုထဲကို တိုးဝင်ပျောက်ကွယ်သွားတယ်…
ကြယ်တစ်စဉ်း လှပစွာကြွေကြလာတာကို မှင်သက်စွာကြည့်မိရင်း
(အဲဒီညက)
ငါဆုတောင်းဖို့မေ့သွားတယ်။ ။

အစားထိုးမရတဲ့အချစ်

Download Here!

အင်း.. ဒီသီချင်းလေးမဆိုးပါဘူး..
ပြောနေကြအတိုင်းပြောဦးမယ်… တိုက်ဆိုင်မှုရှိရင်လဲ မသိချင်ဟန်ဆောင်နေကြနော်
ဒီသီချင်းပို့ပေးတဲ့ ချစ်သူငယ်ချင်းမလေးကိုလဲ အထူးကျေးဇူးတင်ပါ၏။
ချစ်သူငယ်ချင်းမလေးဆိုလို့ အူမတိုနဲ့ဦးနော် ကောင်မလေး…
တိုတော့ဘာဖြစ်လဲလို့လဲ ရန်မတွေ့နဲ့နော် ကောင်မလေး… :P

လူရိုးကြီးတဲ့လား

Download Here!

ဟီးဟီးဟီး.. အဲဒါကျုပ်မဟုတ်ဘူးနော်
တိုက်ဆိုင်မှုရှိရင်လဲ မသိချင်ဟန်ဆောင်နေကြနော်.. ခင်ဗျားကိုပြောတာဟီး..
ကျုပ်ကအဲဒီလောက် အဖြစ်မဆိုးသေးဘူး

သို့.. ဘုရားသခင်

သီချင်းသံတွေရပ်သွားပြီး
စကားလုံးတွေ ကုန်ဆုံးသွားတဲ့နောက်မှာ
နေမင်းက ကောင်းကင်မှ မှေးမှိန်ပျောက်ကွယ်
ကမ္ဘာကြီးဟာ ငိုက်မြည်းပြီး အိပ်စက်ဖို့ပြင်ဆင်နေတယ်....

ဒီအချိန်ခဏလေးရခိုက်မှာ
ကောင်းကင်ပေါ် (ငါ)ခဏတက်ပြီး
ကျုပ်ရင်ခုန်နှုန်းတွေ သူမ သိစေဖို့
ဘုရားသခင်ကို တီးတိုးသွားပြောမယ်။

သင်ဤသို့ စမ်းသပ်ဖူးပါသလား ?

တကယ်ကို တည်ထွင်မှုစိတ်ကူးဥာဏ်ကောင်းသော Japan များဖြစ်ပါသည်။

သင်ဤသို့ စမ်းသပ်ဖူးပါသလား ? စမ်းသပ်မည်ဆိုလျှင် မိဘများမရှိစေရန် ကြိုတင်သတိပြုပါ။ အောင်မြင်သည်ဖြစ်စေ မအောင်မြင်သည်ဖြစ်စေ ပစ္စည်းများကို နေရာတကျ ပြန်လည် သိမ်းဆည်းသင့်ပါသည်။ :)

မြန်မာ Blog ရေးသူများ

ကျွန်တော် Blog ရေးတာ သိပ်မကြာလှသေးပါ.. တစ်ယောက်တည်းနေရတာ အလွန်ပျင်းရိဖွယ် ကောင်းလှပါတယ်.. တစ်စုံတရာသော ခံစားချက် အကြောင်းအရာကို တစ်စုံတစ်ယောက်ကို ရင်ဖွင့်လိုခြင်းသည် တကိုယ်တည်းနေထိုင်လေ့မရှိသည့် လူတို့၏ သဘာဝပင် ဖြစ်ပါသည်။ ထို့ကြောင့် စာရေးဖြစ်ပါသည်။ မြန်မာစာ စာလုံးပေါင်း မကျွမ်းကျင်သည့် အပြင် စာရိုက်လည်း မကျွမ်းကျင်သော ကျုပ်အဖို့ Blog ရေးသောအလုပ်သည် အမှန်တကယ် ပင်ပန်းပါသည်။ မှားတာသိပါသည်။ မှန်တာမသိ၍ ဆက်လက်မှားပေဦးမည်။ ခွင့်လွှတ်ရန်မလိုပါ။ အသိပေးခြင်းဖြစ်ပါသည်။ စာရေးဆရာ မဟုတ်ပါ။ ရေးချင်တာရေးခြင်း ဖြစ်ပါသည်။ မတိုက်ဆိုင်အောင်ရေးပါမည်။ တိုက်ဆိုင်မှု ရှိကောင်းရှိနိုင်ပါသည်။

Blog ဖတ်ခြင်းသည် ဗဟုသုတကို တိုးစေပါသည်။ ဖတ်ဖူးသမျှ မြန်မာ Blog များထဲတွင် စာရေးကောင်သူ Blogger တစ်ဦးနှင့် မိတ်ဆက်ပေးလိုပါသည်။ ညီလင်းဆက် ဟု သိရပါသည်။ ကောင်းသည်ဟု သတ်မှတ်ခြင်းသည် ကျွန်ုပ်၏ ကိုယ်ပိုင် စိတ်တိုင်းကျမှု ဖြစ်ပါသည်။ သင်၏ စိတ်ခံစားမှုသည်လည်း အမျိုးမျိုးဖြစ်ကောင်း ဖြစ်နိုင်ပါသည်။ ထိုသူ၏ Blog Site ထဲတွင် အခြား မြန်မာ Blog ရေးသူများကို သွားရောက် ဖက်ရှုနိုင်ပါသည်။

ဤ Link ကို Click လုပ်ဖြင်းဖြင့် ညီလင်းဆက်၏ Blog ကို သွားရောက် ဖက်ရှုနိုင်ပါသည်။

စိတ်လေတယ် အရပ်ကတို့ရေ...

အချစ်တွက် ကံမကောင်းတဲ့သူတဲ့လား

Download Here!